GENERAL SANTOS CITY – Aron maabagan ang mga trabahante nga nawad-an ug trabaho ang Sarangani Field office nanghatag ug Kabuhayan Starter Kit Projects aron makamugna ug gamay nga panginabuhi-an ang mga nahisgutan.
Matud sa Department of Labor ang Employment nga kabahin kini sa Integrated Livelihood Program sa ahensiya.
Gumikan niini migahin ang DOLE ug Php 543,750 alang sa dise nueve ka mga benipisyaryo nga pulos mga kanhi nagtrabaho sa United Sugarcane Planters of Davao nga nahimutang sa Malungon Sarangani.
Ang gitunol nga kits ang gilangkuban sa Vulcanizing Services, Carpentry Services, Carwash Services, Dressmaking Services, Mini-Bakery, Mini-Carenderia ug Mini-Refreshment, Welding Services, Vegetable Farming.
Gipahigayon ang programa sa gymnasium sa Malungon kaniadtong nakalabay nga adlaw nga gitambungan sa pagpanguna ni Mayor Teressa Constantino kauban sa mga opisyal sa munisipyo.
Matud sa DOLE nga ang mga starter kits ang maghatag ug oportunidad sa mga kanhi trabahante nga mapalambo ang ilang panginabuhi-an ug makatabang sa ekonomiya sa lugar.
