Misaka na sa 920 ang gidaghanon sa mga namatay human sa duha ka kusog nga linog nga adunay magnitudes 7.2 ug 7.5 nga miigo sa Venezuela.
Sumala kang Tom Fletcher, humanitarian chief sa United Nations, kapin sa 50,000 ka mga tao ang gikatahong wala pa gihapon nakit-an human sa maong kalamidad nga nakaguba sa daghang mga building, ilabina sa amihanang bahin sa nasod.
Ang baybayong lugar sa La Guaira, duol sa Caracas, mao ang nakasinati sa labing grabeng kadaot diin daghang mga balay, establisemento ug uban pang imprastraktura ang nangahugno.
Samtang, padayon usab nga gibati ang sunod-sunod nga mga aftershock, hinungdan nga nagpadayon ang pagpangita ug pagluwas sa mga posible pang survivor nga natanggong sa mga nahugno nga estruktura. Nagpadayon usab ang paghatag og tabang sa mga apektadong komunidad samtang nagpadayon ang pag-assess sa tinuod nga gidak-on sa kadaot.
