GENERAL SANTOS CITY – Gitawag ni Atty Rey Cartojano nga iresponsable ang mga opisyal nga nangusog sa pag-ibot sa acacia human wala gihatagan ug tsansa ang mga enviromental group nga mapakita ang alternatibo nga plano.
Matud ni Atty Cartojano nga nagsogyot ang Philippine Institute of Environmental planners SoCCSKSARGEN apan gibasura hinuon sa LGU Gensan.
Gumikan niini gipakita matud pa sa LGU nga ubos ang prayoridad sa pag-amuma sa kinaiyahan.
Gani wala matud pay paigo nga kahibalo ang naasoy nga buhatan sa pag-ibot ug kahoy luyo nga walay himan nga magamit.
Gikwestyon usab niini ang pahayag nga baynte porsyento nga tsana nga mabuhi ang kahoy nga susama sa giibot kini ug gipatay tungod ang nagdesisyon dili Executive Director sa DENR.
Nagduda hinuon kini nga dili makalihok ang mga empliyado sa CENRo tungod na impluwensiyahan sa mga opisyal.
Gawas sa mga enviromental group nga nagpadangat ug paghangyo sa buhatan sa Mayor ning syudad nagpadangat usab ug sulat pagsupak ang pipila ka opisyal sa mga tulunghaan aron luwason ang nahisgutang punu-an sa acacia.
