GENERAL SANTOS CITY – Wala pa makatunga ang mga nagrenew sa ilang prangkisa sa mga traysikol dinhi sa syudad.
Kini ang nahimong pahayag ni Atty. Jose Constantino Gonzales ang labaw sa Public Safety Office.
Matud niini nga ang syudad nag isyu ug 6,000 ka prangkisa apan dos mil pa lamang ang nagrenew sa ilang buhatan.
Bisan matud pa sa kahinay sa nag apply ug nagrenew magpadayon ang pagdawatan nila ug apilkasyon.
Sa pagka karon adunay nay 1,600 ang nag apply ug bag-o nga prangkisa samtang 200 niini ang nakabayad na ug nahatagan na sa prangkisa.
Gikabutyag sa Opisyal nga padayon ang ilang koordinasyon sa Sanguniang Panlungsod tungod sila ang mag apruba sa prangkisa ug kung mabayaran na sa aplikante sa Treasurers Office ila na nga i-imprenta ang prangkisa sa traysikol.
Kung updated ang prangkisa mukabat lamang sa P900.00 ang bayaran apan kung expired ang franchise adunay dugang bayrunon alang niini.
Dinhi sa dakbayan target nga hatagan ug prangkisa ang kinse mil ka mga unit.
