GENERAL SANTOS CITY – Gihingusgan ni Dr. Antonio Marin, department head sa City Veterinary Office nga dili pa pwede magbuhi balik ning higayona og baboy ang mga taga Purok San Lorenzo Ruiz, Apopong ning dakbayan.
Kini human nga nagpositibo sa ASF ang mga baboy sa nasampit nga lugar.
Gihimong ehemplo niini ang nahitabo sa Bulacan nga duha ka tuig human nga may nagpositibo sa ASF subli sila nga nagbuhi apan sa gipahigayon nga blood samples nasuta nga may nagpositibo gihapon sa maong virus.
Tungod niini giawhag ang mga residente nga mangita og laing panginabuhian kung asa ang andam nga muhatag og pondo ang South Cotabato Swine Producers Association (SOCOSPA) alang sa mga residente aron nga magbuhi og manok.
Samtang ang lokal nga gobyerno ang andam maghatag og hinabang sa mga residente nga naapektuhan sa ASF.
