GENERAL SANTOS CITY – Andam nga paminawon ang mulo sa grupo sa mga motorcycle riders dinhi sa dakbayan kalabot sa gipasa nga ordinansa sa konseho kalabot sa planong pagregulate sa paggamit sa full-face motorcycle helmet sa sentro sa syudad.
Kini ang gibutyag ni Kag. Edmar Yumang human nga nagpahigayon og noise barrage kon pagsaba-saba pinaagi sa pagsirbato sa ilang mga motorsiklo ang mga riders atubang sa SP building ug dungog kaayo kini sa 2nd floor sa SP k ung asa gipahigayon ang sesyon.
Sumala ni Yumang, girespito niya ang gihimo sa maong grupo apan hangyo niini nga angayang respitohon usab ang SP nga gapahigayon og sesyon.
Sa iyang pamahayag nga sunod sunod nga committee hearing pa ang ipahigayon sa iyang buhatan nga imbitado ang nagkadaiyang mga sektor. Gani, sa Marso 26 sa hapon, may ipahigayong pagdungog sa balaudnon.
Kahibaluan nga anaa sa privelege speech si Kag. Odjok Acharon sa dihang kalit nga nagsaba-saba sa ubos nga bahin sa SP building ang mga motorcycle riders hinungdan nakadesisyon ang presiding officer nga si Vice Mayor Shirlyn Nograles nga mag-recess ang session.
Gikan sa SP, midiretso sa City Hall ang maong grupo og didto gipadayon ang pagpadangat sa ilang pagsupak sa balaudnon ni Kag. Yumang.
