GENERAL SANTOS CITY – Giawhag ni Atty. Jose Villanueva, assistant regional director sa Comelec 12 ang mga miyembro sa electoral board nga magsul-ob og faceshield sa election.
Matud pa ni Atty. Villanueva nga kini gumikan dugay ang pagtinir sa mga magtutudlo sa sulod sa presinto og daghang ang mga tawo ang makahimamat.
Sa iyang pamahayag nga kung mahimong pwede nga magbutang og barriers ang mga magtutudlo gumikan gihatagan sila sa gobyerno og COVID 19 allowance isip dugang proteksyon batok sa panglawas.
Ang Comelec ang hugot nga gapahimangno sa mga botante nga magsunod sa minimum health standards aron nga makalikay sa COVID 19.
Samtang ang pagboto magsugod alas 6:00 sa buntag og mahuman alas 7:00 sa gabii.
Ipailawom sa temperature check ang mga botante nga paadtuan sa isolation room kung sobra sa 37 degrees celsius ang temperatura og didto magboto.
