GENERAL SANTOS CITY – Nakasaway si Atty. Teodoro Sales sa mga magbabalaud nga gidepensahan pa si Justice Secretary Jesus Crispin “Boying” Remulla dungan sa mas mikusog nga resignation call sa nasampit.
Matud pa ni Atty. Sales, gipanalipdan pa hinuon sa mga nahisgutan ang Justice Secretary luyo nga klaro man nga dakong sagpa kang Remulla ang nahitabo sa iyang anak nga nadakpan human nga makuhaan sa mga otoridad og daghang ‘kush kon high grade marijuana.
Naangin pa ang imahen sa Department of Justice (DOJ) sa nahitabo sa anak ni Remulla.
Gibutyag ni Atty. Sales, ang angayang buhaton ni Remulla nga kung dili man muluwat sa iyang puwesto, musumite na lang og taas nga leave of abscence aron matutukan ang anak og mukuha og maayong abogado o mahimo usab nga ibalhin kini sa laing posisyon.
Sa iyang pamahayag, bahala na ang korte mudesisyon kung guilty ang anak ni Remulla samtang si Juanito Jose Remulla III angayan nga tagaan og patas nga pagtaral sa giatubang niining kaso
Sa nahimong pahayag ni Remulla, isip Justice department chief, dili manghilabot og pasagdan niining mudagan ang hustisya. Dili siya mangayo og pabor gikan sa kinsa man.
