GENSAN – Usa ka seryosong kaso ang atubangon sa pagpameke sa unsa mang dokumento, sama sa Comelec certification. Kini ang gibutyag ni Atty. Jong Gonzales, Department Head sa Public Safety Office sa dakbayan sa Gensan.
Matud niini, nakadawat na siya og impormasyon gikan sa Commission on Elections nga adunay nadakpan nga pekeng certificate gikan sa ilang buhatan.
Nagpahimangno siya nga ang pagpalsipika sa mga dokumento usa ka seryosong kalapasan sa balaod, ug ang mga madakpan nga mapamatud-an nga na-meke mag-atubang sa kasong falsification of public documents og perjury.
Imbes nga mahatagan og prangkisa, posible pa silang masilutan ug mapriso.
Gihangyo usab ni Atty. Gonzales ang mga tricycle driver nga magsumite og mga kumpletong requirements sa pag-apply aron makaangkon ug prangkisa tungod andam usab silang motabang.
