GENERAL SANTOS CITY – Nagpadala og sulat ang City Environment and Natural Resources Offices kon CENRO GenSan ngadto sa mga malls sa syudad nga makigduyog sa ipahigayon nga earth hour karong Marso 25 2017.
Matud pa ni Val Lastimoso sa CENRO nga istrikto kining ipatuman sa mga malls sa syudad kung asa iyang hugot nga monitoron.
Gikadugang pa sa nasampit nga opisyal nga kung istrikto nga ipatuman sa mga malls , angayang apil usab ang lokal nga gobyerno.
Kahibaluan nga matag tuig kini nga gihimo sa tibuok kalibutan nga padayon ang pagdaghan sa mga nagkadaiyang mga establismento og landmarks nga gapasuporta niini.
Giawhag ni Lastimoso ang katawhan nga makigduyog sa kasaulogan sa earth hour nga magsugod alas 8:30 sa gabii hangtud sa alas 9;30 sa gabii.
Matud pa nga bisag usa ka oras lamang ang pagpalong sa suga apan kung ang tanan ang makighiusa dakong tabang kini sa pagkonserba sa enerhiya.
