GENERAL SANTOS CITY – Ipa-ilawom sa pagbansay sa Department of Education ang tanan nga mga health personnel sa tibuok rehiyon.
Sumala kang DepEd 12 Asisstant Regional Director Evelyn Fetalvero, kabahin kini sa pagpangandam sa random drug testing sa mga magtutudlo, non-teaching personnel ug mga estudyante sa mga eskwelahan.
Gikadugang pa niini nga pagsunod sa Drug Free Workplace Policy ug Guidelines for the Conduct of Random Drug Testing in Public and Private Secondary Schools sa DepEd.
Kini aron mutabang sa pagpatuman sa drug testing ug maghatag ug tabang sa mga magpositibo sa iligal nga droga.
Matud pa niini nga ang drug testing alang lamang sa kaayuhan sa mga kabataan.
Gipaniguro usab niini nga walay angayan nga kabalak-an ang mga ginikanan tungod confidential ang resulta sa drug test.
Ipatuman ang drug testing karong tuiga.
