GENERAL SANTOS CITY – Nagpasalamat sa Bombo Radyo ang mga magtutudlo nga naglinya sa buhatan sa GSIS GenSan, human nga migaan ug nahimong organisado na ang linya ug sistema human nila gipadangat sa sibyahanan ang ilang reklamo.
Una niini, gireklamo sa mga magtutudlo nga nahidangat sa nahisgutang ahensya alang sa pagbayad sa ilang mga amoroso, gumikan dili nagkaguliyang matud pa nga sistema ug maot nga pagtratar kanila.
Gitawag pa sa usa ka na-interview sa Bombo, na nahimong ‘inhumane’ na ang pagtratar kanila sa ahensya, luyo nga ang uban miaging gabii pa nangabot ug halos didto na natulog aron dili mawala sa linya.
Apan pag-abot sa Bombo reporter, gilayon matud pang nausab ang sistema, kung asa nagbutang na logbook ug gilista aron nga ang uban ang mamalik na lang karong adlawa, ug nahimo nang han-ay ang sitwasyon.
Hinuon, mitubag na ang GSIS sa ilang habig kalabot sa mga mulo sa mga magtutudlo.
