Mga lugar nga unang gibahaan tungod sa dili maayo nga panahon, nabawasan na

Niubos ang ihap sa mga lugar nga gibahaan sa nasud tungod sa pag-ayo sa panahon.

Kahinumduman nga daghang mga lugar sa Pilipinas ang nabahaan tungod sa pag-ulan nga dala sa habagat ug bagyong Crising, Dante ug Emong.

Matod sa NDRRMC, 474 na lang sa 500 ka lugar ang nagpabiling nalubog sa tubig baha.

Ang pinakataas nga ihap sa mga lugar nga naapektuhan natala sa Central Luzon, gisundan sa Ilocos Region, CALABARZON, Western Visayas, ug MIMAROPA.

Dul-an sa duha ka milyon nga pamilya o 7.2 milyon nga mga indibidwal ang naapektuhan sa baha, samtang ang namatay nagpabilin nga 34.