GENERAL SANTOS CITY – Mukabat na sa upat ka probinsya ug tulo ka syudad sa rehiyon dose ang nagpatuman ug suspension of classes sa mga pangpubliko ug pribado nga tulunghaan gumikan sa hilabihan ka init nga panahon.
Kini ang gibutyag ni Jurie Mae Balmediano, tigpamaba sa Office of the Civil Defense 12.
Kini ang Koronadal, Kidapawan, ug General Santos City ug mga munisipyo sa nagkalain-laing probinsya sa South Cotabato, Sultan Kudarat, Sarangani, ug North Cotabato.
Kasagaran sa mga tulunghaan sa naasoy nga lugar ang nagpatuman ug cancelation of afternoon classes ug pagpatuman ug blended learning.
Buot ipasabut nga buntag lamang ang klase apan hatagan ug modular activities sa hapon.
Sugod miaging adlaw Abril 03, 2024 hangtud sunod semana ang gipagawas nga abiso sa pipila ka LGU basi usab sa Department of Education order number 37 series of 2022.
Magpadayon usab ang monitoring sa OCD sa mga lugar sa rehiyon nga nakasinate ug hilabihan ka init nga panahon.
