GENERAL SANTOS CITY – Ibalik na sa Alunan sugod ning adlawa, Mayo 06, 2024 ang mga Laray vendor nga namaligya sa Santiago boulevard sumala kang Carlito Esclamado ang public market supervisor.
Kini human gipatawqag ni City Administrator Atty. Franklin Gacal Jr. si Esclamado kalabutan sa pagpanglabay ug basura sa manhole ug ang mihimo niini ang nagpwesto sa Santiago boulevard panahon nga sila maninda ug gulay ug prutas sa nahisgutang dalanon.
Matud ni Esclamado nga ginatugtan lamang sa syudad ang nahisgutang mga laray vendors hangtud sa alas syete sa lugar aron pagpanglimpyo samtang gitugtan nga makabaligya hangtud alas sais sa buntag.
Ang nahitabo, pasado na sa alas syete naa pa ang uban nga stall ug magbilin ug pundok sa basura.
Gikadugang niini nga dili taga dakbayan ang kasagaran sa nagbutang ug pwesto sa maong dalan tungod mga farmer nga gikan sa ubang lugar nga direkta nga namaligya sa ilang produkto.
Tambag niini nga i-avail ang mga pwesto sa alunan tungod wala nay relocation site nga mahatag ang syudad alang sa mga Laray vendor.
