Mga lakang batok sa pagsaka sa presyo, gipaningkamutan sa LGU Gensan

Nagpangandam na ang lokal nga panggamhanan sa Heneral Santos City batok sa posibleng pagsaka sa presyo sa mga palaliton sa merkado.

Matud ni Mayor Lorelie Pacquiao, dili mapabaya sa LGU ang mga panghitabo sa dakbayan, ilabi na kon kini makaapekto sa panginabuhian sa katawhan.

Gipahayag usab sa mayor nga ginapaningkamutan sa lokal nga panggamhanan nga mapadayon ang mga programa nga makatabang aron ang tanang residente makapalit og mga batakang panginahanglan sa hustong presyo, sama sa P20 nga mga produkto, ug dili lamang limitado sa pipila ka mga indibidwal.

Padayon ang paningkamot sa LGU sa pagpatuman og mga lakang aron mapugngan ang labis nga pagsaka sa presyo sa mga palaliton ug masiguro ang kaayohan sa katawhan.