Mihangyo si Atty. Jose Villanueva, assistant regional director sa Comelec 12 sa mga kandidato og mga supporters nga angayang sundon ang mga patakaran sa election.
Sa iyang pamahayag nga simple lamang ang patakaran apan daghan ang wala gatuman.
Gihimong ehemplo niini ang mga campaign posters nga dili pwede magbutang bisag asa apan daghan ang wala nagsunod.
Gawas pa nga wala pa ang nagsugod ang campaign period apan ubay-ubay na ang makit-an sa palibot.
Nasayran nga adunay kapin sa 60 ka mga designated common designated area sa dakbayan nga gikatakda ang Comelec.
Sa pagkakaron ang mga national candidates pa lamang susama sa pangulo, bise presidente, senador og partylist ang pwede na nga makabutang og poster.
Ang mga lokal nga kandidato sa Marso 25 pa magsugod ang campaign period og sa maong higayon pwede na nga makabutang sa ilang campaign materials.
