GENERAL SANTOS CITY – Giawhag ni Nonoy Pareja, department head sa Waste Management Office (WMO) ang tanang mga kandidato nga mutabang sa lokal nga gobyerno sa pagtanggal sa mga campaign posters.
Matud pa ni Pareja nga sa miaging adlaw nagsugod na sila sa pagkuha apan daghan pa kaayo ang wala nakuha.
Sa iyang pamahayag nga mas maayo nga magtinabangay ang tanan lakip na ang mga suporters sa mga kandidato sa pagpanglimpyo sa syudad .
Mas nahimong dako ang ilang trabaho gumikan halos kadaghanang mga pulitiko og mga suporters ang wala nagtuman sa patakaran sa Comelec.
Bisag si Atty. Renato Magbutay, Comelec regional 12 director mihangyo sa tanang kandidato nga tabangan ang gobyerno sa pagpanguha sa mga campaign posters.
Unta nga ibutang sa common poster area lamang ang mga campaign posters apan bisag asa makit-an hinungdan nga angayang suhiron ang halos tanang suok sa syudad.
