Mga kadudahang tawo nakit-an nga naglibot-libot sulod sa gymnasium atol sa womens day celebration una paman nahitabo ang labing bag-o nga pagpamusil sa Polomolok

POLOMOLOK – Aduna nay mga kadudahan nga tawo ang naglibot-libot sulod sa gymnasium una paman nahitabo ang labing bag-o nga pagpamusil sa Polomolok.

Kahibaloan nga gipusil si Ryolite Balili nga staff sa Mayors office sa nahisgutang lugar.

Sumala pa ni Polomolok Mayor Bernie Palencia, nasuta nga adunay mga dagkong tawo nga nagtuyok-tuyok sulod sa gym ug nagkuha ug mga footage, base kini sa pagreview sa mga panghitabo una paman ang pagpamusil.

Nagtuo kini nga sya ang target sa mga gunmen gumikan miduol ang mga nahisgutan sa stage sa gymnasium kung asa atoa siya.

Kahibaloan nga nagsaulog sila sa womens month sa dihang nahitabo ang maong insidente.