GENERAL SANTOS CITY – Gihatud na sa ulahing kapahulayan ang patay nga lawas ni Kristel Hecto ang babaye nga nabanggaan patay sa drag race sa Barangay Fatima ning syudad.
Kagahapong adlawa mibuhos ang luha sa iyang mga classmate, mga higala, mga kabanay sa paghatud sa patay nga lawas sa nahisgutang biktima sa sementeryo sa San Jose ning syudad.
Usa si Hecto sa duha ka biktima nga namatay sa lumba sa mga motor kaniadtong gabii sa Nobyembre dos kung asa ang usa sa namatay ang mismong nakabangga kang Kristel.
Sa gipahigayon nga Misa sa Our Lady of Fatima Parish church nanamilit ngadto sa biktima ang mga nag emosyonal nga kabanay tungod nasayangan sa biktima nga gilantaw nga makahaw-as sa kalisod sa iyang pamilya.
Pasado alas tres hingpit nalubong ang biktima.
