GENERAL SANTOS CITY -Nahimong sentro sa natigayong panagtigom atul sa bag-uhay lamang nahuman nga Philippine Councilors League kon PCL miaging semana ang isyu may kalabutan sa pederelismo.
Matud ni Kag. Beth Bagonoc nga usa sa mga konsehal ning dakbayan nga mitambong sa naasoy’ng panagtigom didto sa World Trade Center sa Pasay City, gipasabot ngadto kanila kung unsa ang unod sa maong hisgutanan.
Apan giangkon ni Kag. Bagonoc nga sa iyang bahin, wala pa kini makadesisyon kung unsa ang maong isyu gumikan angayang tun-an pagmaayo.
Kahinumduman nga mismong si Pangulong Rodrigo Duterte ang nag-unang bisita sa PCL, kung asa gihisgutan niini ang pederalismo.
Kahibaluan nga gawas sa pagtambong sa PCL, usa usab sa tuyo sa mga konsehal ning dakbayan sa pag-adto sa kauluhan ang aron hangyuon si DENR Secretary Gina Lopez nga tangtangon na ang suspensyon sa pagpatitulo sa mga luna dinhi sa siyudad.
