GENERAL SANTOS CITY – Nangadaot na ang mga isda ug gulay nga gikumpiska atol sa gipahigayung road clearing sa brgy. Conel.
Sumala pa ni Brgy. Conel Kapitan Luciano Palma, base sa abiso sa demolition team, kinahanglan ang mga vendors ang mukuha sa mga gikumpiska gikan sa barangay apan tubag usab sa mga vendors, ang brgy ang mubalik sa ilang mga gikumpiska nga baligya.
Kahibaloan nga anaa lamang sulod sa payag duol sa brgy hall ang lain laing klase sa isda, gulay ug prutas.
Kahinumduman nga ning niaging adlaw gikumpiska sa clearing team ubos sa City Administration Office kauban ang presenysa sa mga tanod sa brgy. Conel ang mga isda, gulay ug prutas gikan sa 13 ka mga vendors nga iligal nga gabaligya sa dalan.
Pagpaklaro pa niini nga kung dili nila ipahigayun ang clearing operation, posible nga mugara ang mga vendors ug ipadayun ang pagbaligya sa dalan nga nakaapekto na matud pa sa ilang trapiko.
3 ka higayun na sila nga nagpadala ug imbitasyon sa mga vendors nga makig-dayalogo sa barangay apan wala mitambong.
Giabisuhan na usab sila nga sa satellite market mamaligya kung diin libre ang pwesto, apan sa unang pahayag sa mga vendors, layu ug wala ginaadtuan ang satellite market maong posible nga malugi sila.
Dugang pa ni kapitan palma nga wala siya nakauban sa clearing operation hinungdan blangko kung kinsa ang leader ug miyembro sa demolition team, wala usab kopya ang ilang opisina sa mga nagpahigayun sa operasyon.
