GENSAN- Dili magsalig lang sa kasamtangang kahimtang inay angayang ma-estudyohan sa lokal nga panggamhanan dinhi sa dakbayan kung unsa ang mga angayang infrastracture projects ang angay nga ipatuman sa GenSan aron malikayan ang huot nga dagan sa trapiko sa umaabot nga panahon.
Matud ni Atty. Arturo Cloma nga ang underpass dili gyud kinahanglan kung adunay mas angay nga solusyon.
Iyang giingon nga importante ang proyekto batok sa trapiko, apan dili pasabot nga underpass ra gyud ang tubag.
Dugang pa niya, ang mga plano kinahanglan ipasa dayon ngadto sa national road board aron mapundohan ug ma-aprubahan, ug dili na maglangan pa.
Wala usab siya kabalo sa rason o teknikal nga assessment sa engineering department sa DPWH kung nganong underpass ang napiling proyekto, ug iyang gituohan nga posible pa ang overpass isip mas episyente ug praktikal nga alternatibo.
Ang maayong panlantaw ug ensaktong plano mao ang yawe aron malikayan ang dagkong problema sa umaabot.
