GENERAL SANTOS CITY – Excited ng makabalik didto sa yutang natawhan nga Marawi ang mga internally displaced person (IDPs) human nga gideklara ni Pangulong Rodrigo Duterte nga gawasnon ang maong lungsod sa terorista.
Sa pakighinabi sa Bombo Radyo Gensan, gibutyag ni Jamal Amir nga pirteng lipaya nila tungod napukan na ang duha ka teroristang silang Isnilon Hapilon og Omar Maute nga yawe nga nahilway na ang lungsod sa Maute ISIS.
Sa iyang pamahayag, didto siya natawo og nagdako sa Marawi hinungdan nga gusto gayud niyang mubalik sa Marawi luyo pa sa nahitabo. Gibutyag niini nga sakit kanila nga sa ilang pag-uli hilabihan nakaguba ang ilang balay apan malipayon gihapon tungod buhi gihapon sila.
Sumala pa, sugod pa lamang sa kasamok sa Marawi gilayon silang mihawa sa iyang pamilya ug miadto sa ilang mga kabanay dinhi sa GenSan.
Kini sa kahadlok nga maangin sa gyera.
Lakip ang pamilya ni Amir ngadto sa mga IDPs’ gikan sa Marawi nga nagpuyo pagkakaron sa Brgy. Dad. South ning syudad.
