GENERAL SANTOS CITY – Hinay hinay nga namugna ang mismong campus sa University of Santo Tomas (UST) sa Ligaya nining dakbayan.
Una nga nagpahigayon ug pagtambak sa yuta ug pagpatag sa pipila ka bahin sa 80 ka ekytarya nga campus.
Base sa impormasyon nga gibutangan na ang mga kalsada ug streetlights, ug kasamtangan gipatindog ang pipila ka gambalay nga gamiton sa mga staff ug trabahante sa naasoy nga lugar.
Gilauman nga sa tuig 2021, magpahigayon na ug mga inisyal nga klase.
Ang ilang flagship academic programs mao ang Health and Sciences, Business and Accountancy, Arts and Humanities, Engineering and Technology, Tourism and Hospitality Management, and Pharmacy and Pharmaceutical Science sa mismong campus.
Ang UST-GSC ang labing una nga satellite campus sa University of Santo Tomas sa Mindanao.
Kahinumduman nga nahimong init ang hisgutanan kaniadto dihang misulod ang UST dinhi sa dakbayan.
Kini tungod gisulayan pa ug gubot sa pipila ka nagpaila nga kabanay sa mga kanhi tag-iya sa lugar pinaagi sa pagbutang ug mga balay balay samtang gihingusgan nga ila ang naasoy nga luna.
Gawas pa nga kannunay nga hisgutanan sa panahon sa eleksyon.
