GENERAL SANTOS CITY -Gihingusgan ni Ferdinand Pareja, labaw sa Waste Managemnt Office (WMO) sa dakbayan nga kinahanglan ma-disinfect ang mga “household health care waste” una nga ilabay sa basurahan.
Matud pa niini, ilabay sa tukmang basurahan ang gigamit nga face mask, face shield, PPE’s og uban pa gumikan sa posibleng kontaminasyon.
Mahinungdanon ang ensaktong pag-segregate sa mga basura og ibutang kini sa tukmang basurahan nga may label .
Ang mga household health care wastes ang angayang ibutang sa trash bin o unsa man nga basurahan nga kulay yellow.
Gihingusgan ni Pareja nga may Department of Interior and Local Government (DILG ) memo circular Number 107 og kamanduan ang lokal nga panggamhanan kalabotan sa pag-segregate og hustong paglabay sa mga basura apil dinhi ang paghipos sa mga COVID related waste.
Ilawom sa maong kamanduan , adunay silot nga ipahamtang sa mga nakasupak niini.
