GENERAL SANTOS CITY – Gipasabot ni Joel Inabangan, Vice-President sa Philippine Chamber of Commerce and Industry -Gensan kung unsa ang mga hinungdan sa paghinay sa piso kontra dolyar sa pagkakaron.
Lakip niini ang pagsaka sa presyo sa produktong petrolyo, taas nga inflation kun presyo sa mga nag-unang palaliton o serbisyo og pagsaka sa Federal government sa ilang interest rate.
Matud ni Inabangan, kagahapon anaa sa P59 ang baylo sa piso kontra sa dolyar.
Gibutyag niini nga mahinongdanon ang panalipdan sa gobyerno sa Pilipinas ang dollar reserve kon pondo sa nasud nga atong magamit sa pag-negotiate og negosyo sa ubang nasud.
Sa iyang pamahayag, sa karon ang dollar reserve sa nasud ang lig-on pa.
Sa taas nga inflation rate, magpabilin kini sa maong sitwasyon kung taas ang presyo sa produktong petrolyo.
Samtang sa pagsaka sa Federal government sa ilang interest rate, apektado niini ang mga nasud apil ang Pilipinas.
Kabahin niini, may mahimo ang administrasyong Marcos kauban ang iyang mga economic managers.
Samtang ang Bangko Sentral ng Pilipinas, nagahimo na og lakang og interbensyon aron mapugngan ang pagsaka sa inflation diin ang mga daily wage earners ang labing apektado.
