GENERAL SANTOS CITY – Padayon pa ang imbestigayon sa mga otoridad kung pila ang nahimong damyos sa pagbangga sa prime mover truck sa usa ka bar nga nahimutang sa Purok Lanoy, Barangay Calumpang ning syudad.
Sumala pa nga nawad-an ug kontrol ang gimanehuan nga container van ni John Carlo Amaller, 23 anyos human matud pa nga gilikayan ang pick-up nga maneho ni Mario M. Ordonio.
Sumala pa nga gikan sa Orchid St. Calumpang ning syudad ang pick-up samtang ang prim mover gikan sa Purok San Roque, Barangay Labangal ning syudad.
Walay gireport nga nasamdan sa nasampit nga insidente apan hilabihan lamang ang kakurat sa mga Guest Relation Officer(GRO) og mga customers sa Pussycat Night Louge human nga mibangga sa VIP room ang prime mover truck nga karga nga container van.
Apan sa imbestigasyon sa Traffic Management Unit nga base sa pagsaysay sa driver nga nawad-an matud pa og preno ang maneho nga prime mover truck.
