GENERAL SANTOS CITY – Nakalabay nga tuig nasugdan sa Civil Aviation Authority of the Philippines kon CAAP ang pagpananom og mga cherry blossoms sa GenSan Airport.
Kini ang gibutyag ni Merlinda Donasco, labaw sa City Agriculture Office sa pakighinabi kaniya sa Bombo Radyo.
Sumala pa niini nga nakadawat ug tawag ang ilang buhatan nga adunay namatay sa maung tanom sa maung lugar.
Tungod niini nakadesisyon nga magtanom subli sa lugar.
Gipasigarbo ni Donasco nga adunay gitanom nga cherry blossom sa Malungon ug Bukidnon nga matag summer kini nagabulak.
Sumala pa daghan ang mga tawo nga nagpakuha ug hulagway sa nasampit nga lugar tungod sa kaanindot sa mga nasampit nga tanum.
Sa iyang pamahayag nga tungod sa daghang mga tawo nga midayo sa lugar nadasig sila sa pagtanum ug pag-atiman gani magpahigayon pa sila ug pagpananom sa lugar aron maagni usab ang mga turista gikan sa ubang dapit.
Samtang gibanabanaan niini nga naa sa pito ka tuig hingpit nga mudako ang nasampit nga tanum nga posebli nga makita na ang kaanindot sa iyang mga bulak.
