GENERAL SANTOS CITY – Duha ka dagkong trak nga napuno sa kahoy nga acacia ang kustudiya sa mga otoridad.
Ang maong mga ginabas nga mga kahoy ang gitugyan sa Criminal Investigation Branch (CIB) ngadto sa City Enviroment and Natural Resources Office (CENRO) 12 sa Buayan ning syudad.
Nakadawat ug impormasyon ang buhatan ni Major Joel Fumukao kalabutan sa pagtransport sa duha ka sakyanan hinungdan nga nakiglambigit sa mga personahe sa CENRO 12.
Sakto nga ilang nakita ang duha ka sakyanan sa diversion road samtang karga ang mga ginabas nga kahoy sa acacia.
Ang driver sa duha ka mga sakyanan mao silang Alberto Tacuyan Jr., 44 anyos, nga residente sa Purok 9 Mabuhay ning syudad, og Richelle Montejo Dumaguit, 45 anyos, residente sa Purok Aquino, Cannery, Polomolok, South Cotabato.
Ang tag-iya sa sakyanan mao si Viriginia Tangcong nga residente sa Purok Ondok Gawan, San Jose ning syudad.
