Gikompirma sa Commission on Elections (Comelec) nga ang fingerprints sa election record ni suspended Bamban, Tarlac Mayor Alice Guo nitakdo sa Chinese National nga si Guo Hua Ping.
Matod ni Comelec Chairman George Erwin Garcia, sa findings sa ilang fingerprint experts, ang fingerprints nitakdo sa mga dokumento ni Mayor Guo.
Apil na niini ang iyang dokumento sa Immigration nga gigamit sa NBI, NBI clearance, certificate of candidacy, application for voter’s registration, Election Day Computerized Voter’s List sa 2022, ug Election Day Computerized Voter’s List Barangay ug SK Elections sa 2023 ug kining tanan nitakdo sa fingerprints sa Chinese passport holder nga si Guo Hua Ping.
Matud ni Garcia nga base sa ilahang law department adunay paigong ‘factual basis’ aron mapadayon ang imbestigasyon. Sa sunod semana , ang Comelec ang mohukom kon pasakaan ang suspendidong mayor sa kasong material misrepresentation nga nakalapas sa Omnibus Election Code
