GENERAL SANTOS CITY – Galaum ang City Economic Management and Cooperative Development Office (CEMCDO) nga tumanon sa kadaghanan sa mga business establishments sa dakbayan ang pag-angkon sa Trace and Protect App (TAPAT) QR scanner.
Matud pa kang Leonard Flores sa CEMCDO gi-awhag nila ang mga establisyemento sa syudad nga mugamit sa maong scanner nga dakong tabang alang sa mas sayon nga contact tracing.
Angayang ang musulod sa usa ka establisiemento ang mu-scan na lang sa ilang EQP-QR Code, COVID-19 Contact-Tracing System (CCTS), TAPAT og Malungon Contact Tracing Data (MTDS).
Gibutyag niini nga pinaagi niini masayran sa LGU kung kinsa ang gasulod sa usa ka establisiemento.
Nasuta nga dungan paggawas sa Executive Order 49 ni Mayor Ronnel Rivera, gilusad aging semana ang GenSan CODE (Coordinated Operation to Defeat Epidemic in the work places’) kung asa nalatid dinhi nga mandatory na ang paggamit og QR scanners sa mga business establishments sa dakbayan.
Sa pamahayag ni Flores sa karon gradual nga proseso sa pagpatuman niini ang natigayon.
