GENERAL SANTOS CITY – Dili tinuod nga gibaligya na ang duha ka gasoline station tungod panag-iya gihapon ni Reyna Apolinario .
Kini basi sa pamahayag sa trabahante sa Joey Gasoline station dihang midangop sa bombo radyo aron ireklamo ang wala paghatag kanila sa KAPA sa ilang separation pay.
Matud pa gipadagan gihapon ang gasolinahan ni Rowena Ocamas , ig-agaw matud pa ni Reyna nga residente sa Camiguin. Gibutyag pa niini nga padayon silang gisaaran nga bayaran sa ilang separation pay nga tig P20,000 .
Kini human giingnan nga manirado tungod nabangkaruta ang tag-iya hinungdan nga pangbayaran na lamang.
Ulahi na lamang nila nasayran nga nabayaran na ang mga trabahante sa Jorey Bula apan nagpadayon ang ilang pagtrabaho samtang sila padayon nga gipalaum nga bayaran.
Nagreklamo usab ang mga nahisgutan nga dili sila maka loan sa SSS tungod putol-putol ang ilang remittances.
