Mga empleyado sa Fukushima nuclear plant dali nga nakadagan tungod sa tsunami warning

Nibakwit dayon ang mga trabahante sa Fukushima nuclear plant human sa tsunami warning nga gi-isyu.

Gipataas sa Japan ang pasidaan human ang 8.7 magnitude nga linog nga miigo sa halayong silangang baybayon sa Russia.

Ang tanan nga labaw sa 4,000 ka mga empleyado sa nuclear plant mibakwit alang sa ilang kaluwasan.

Walay natala nga abnormalidad sa planta human sa maong linog.

Kahinumduman nga niadtong Marso 2011, ang Japan naigo sa magnitude 9 nga linog nga gisundan sa tsunami diin kapin sa 18,000 ang nangamatay.