GENERAL SANTOS CITY – Giandam na ang tanan alang sa assessment sa Cotabato Regional Medical Center og Dr. Jorge P. Royeca Hospital nga nag-apply nga mahimong biolab center.
Kini ang gibutyag ni Arjohn Gangoso , tigpamaba sa Department of Health kon DOH 12 apan gahulat pa sa sila sa pag-abot sa mga personahe sa DOH Central Office og Research Institute for Tropical Medicine kon RITM gikan sa kauluhan aron ma-inspeksyon ang maong naasoyng ospital.
Kung makapasa sa assement mahimo na nga makasugod sa pagpahigayon og test sa mga gipasa nga samples gikan sa tao nga adunay suspected case sa covid 19.
Sa pamahayag niini nga ang Southern Philippines Medical Center kon SPMC sa Davao City ang maoy ang gasuta sa mga specimen nga ginapasa gikan sa lain laing lugar sa Region 12.
Nakadepende sa kadaghan sa specimen kung pila ka adlaw mahuman ang covid testing.
Nasayran nga ang SPMC ang nag-inusarang testing center sa Mindanao .
Gipaningkamutan sa syudad nga makapasa sa tanang protocols og standard sa DOH aron makasugod ang dakbayan sa pagsuta sa samples kon positibo o dili sa COVID 19 ang usa ka tawo.
