Mga drainage system gisiguro sa City Engineers nga tanan ‘functional’ –

GENSAN-” Functional’ ang mga drainage system sa dakbayan, kini ang gibutyag ni Engr. Ronald Nuñeza, Department Head sa City Engineers Office.

Apan aminado kini nga usahay adunay masinatian nga problema kung panahon nga mag-ulan tungod sa mga nagbara  nga mga basura.

Kung magresulta kini og mga pagbaha dili kaayo magdugay dili sama sa nasinatian didto sa Kaulohan og uban pang mga lugar nga maabtan pa og pipila ka adlaw ayha maghubas ang tubig baha.

Hinuon gisiguro ni Engr. Nuñeza nga ginahatagan nila kini og pagtagad pinaagi sa pag-declog sa mga drainage canal.

Ang hugot nilang ginatutukan mao ang Brgy.Lagao, Buayan, Baluan og Katangawan nga kanunay mabahaan.