GENERAL SANTOS CITY – Nanghinaut ang mga doktor nga unta masabtan sa mga sakop sa local IATF ang sitwasyon karon sa syudad gumikan sa padayong pagtaas sa kaso sa COVID 19.
Matud pa kang Dr. Fidel Peñamante, presidente sa GenSan Medical Society nga anaa na kritikal nga sitwasyon ang health care system sa syudad busa angayang mas pahugtan ang sitwasyon.
Kahibaluan nga kung basehan ang Executive Order number 28 ni Mayor Ronnel Rivera nga mas daghang mga establismento ang gitugtan nga mag-abli.
Sa pamahayag ni Dr. Peñamante nga ilang girekomenda ang duha ka semana nga hard lockdown tungod sa padayong pagdaghan sa kaso sa COVID 19 sa dakbayan.
Base sa EO number 25 ni Mayor Rivera nga gitugtan lang nga muabli ang mga essential nga mga establismento kung asa sa mga restaurants hugot nga gidili ang dine in nga ang pwede lang mao ang take out.
Apan daghan ang nagsaway sa lokal nga gobyerno kung asa makalabay ang pipila ka adlaw giamiendahan ang maong kamanduan kung asa mas giluagan nga gitugtan ang pag-abli sa daghang mga establismento.
