GENERAL SANTOS CITY – Gikumpirma ni Pamila Breslau Von Bressendorff, OFW sa Cyprus nga hugot nga gipatuman ang nagkadaiyang mga patakaran kalabutan sa coronavirus disease kon COVID 19.
Sumala pa sa Bressendorff nga nakabase isla nga anaa sa Meditaranian part sa Europe, kapin sa 700 ka tao na ang nagpositibo sa sakit, 77 nakarekober og 12 ang namatay.
Gibutyag niini, nagsugod ang virus niadtong March 15 dihang ang usa ka tawo nga gikan sa United Kingdom ang nagpositibo dayun nibalik sa Cyprus, og gisundan sa usa ka tawo nga gikan sa Italy.
Gilayon gipatuman sa gobyerno ang stay at home policy epektibo hangtud April 30, 2020.
Gipatuman sa airport ang lockdown gawas lang sa chartered flight kung asa ang mga sakay ang gipailawom sa quarantine sa hotels o dalhon sa ubang lugar sulod sa 14 days.
Ang nawad-an og trabaho lakip ang mga documented nga mga Filipino ang gihatagan sa gobyerno og 60% sa ilang suweldo.
Ang mga supermarkets lang , botika og mga groceries stores ang abli kung asa ang mga trabahante niini ang may bitbit nga mga permit sa ilang kompanya aron kung sitahon sa mga pulis kini maoy ilang ipakita aron dili dakpon.
Ang mga caregiver nga Pinoy ang nag-stay in na lang tungod dili tugtan nga makagawas sa balay ilabina kung edaran o bata ang gibantayan.
Ang mga masinupakon kung madakpan ang multahan og 150-300 Euro.
Hugot usab nga gipatuman ang social distancing sa Cyprus.
