GENERAL SANTOS CITY – Latiguhon dayon sa mga otoridad gawas nga multahan ang kinsa man ang makasupak sa gipatuman nga mga patakaran sa Nairobi, Kenya kalabutan sa pakigbatuk sa coronavirus diseasea 2019.
Matud pa ni Bombo International Correspondent Fr. Jimboy Caspis, taga Brgy Buayan apan usa ka misyonaryo sa West Pokot County, dakong sa gobyerno sa Kenya ang pakigbatok sa covid 19 ilabi na gikonsiderang kabus ang maong nasud kung asa kulang sa mga dagkong ospital.
Sukad March 13 gipatuman curfew og lockdown dihang nakatala og kaso sa covid.
Apan luyo niini padayon gihapon ang transportasyon, abli gihapon ang mga tindahan, supermarkets og mga gov’t offices tungod gikabalak-an sa presidente nga mahagsa ang ekonomiya nila hinungdan nga dili makaya sa gobyerno nga mubarog.
Apan istrikto ang gobyerno sa hugot nga pagbantay sa ilang mga exit og endtry popints og bounderies luyo nga adunay mga residente nga magbaktas lang gayud og didto muagi sa disyerto og kalasangan aron makalusot paingon sa ubang lugar.
Samtang, nakatilaw usab og diskriminasyon si Fr. Caspis pag-abot sa Nairobi kung asa na-alaan siya nga Chinese og gani nahimo pa nga gilikayan tungod nahadlok nga may virus tungod gikan sa Asya.
Niadtong Feb. 18 2020 siya migikan sa Pilipinas apan pag-abot sa Nairobi mao usab ang pagsugod sa covid sa Kenya.
Matud pa nga usa ka bulan na siya wala makapahigayon og misa tungod gibawalan sa gobyerno ang unsa mang religious gatherings og unsa mang panagtigom luyo nga ginapatuman sa Kenya ang pagsul-ob ug face mask og social diostancing.
Doble ang problema sa mga residente sa West Pokot County kung asa siya karon tungod gilunopan ang lugar gawas pa nga nagkalisod sa ilang makuhaan og tubig nga mainom.
Sa pahayag niini, West Pokot County ang usa ka abandonadong lugar sa Kenya kung asa lisod ang panginabuhian sa tao gawas nga limitado lang ang source sa tubig hinungdan nga ang uban sa sapa gikan ang tubig nga ilang imnon.
May pipila ka residente ilabina na sa mga nagpuyo sa bukid og suok-suok nga lugar ang walay sul-ob nga sinena ilabina kung mangaligo sa sapa.
Sa Nairobi, mukabat lang sa 250 ang mga Filipino nga nagtrabaho sa mga embahada sa EU ug Germany, NGO og may pipila ang nagtrabaho sa mga restaurant.
Wala pa hinuon kini nasayran nga may Pinoy sa Kenya nga nataptan sa virus.
