GENERAL SANTOS CITY – Gikatakdang mularga karong adlawa ang mga city councilors ning dakbayan paingon sa Kauluhang Maynila.
Kini alang sa matigayon nga Philippine Councilors League, nga magsugod ugmang adlawa, Marso 8 hangtod petsa 10.
Ipahigayon kini didto sa World Trade Center sa Pasay City.
Apan una niini, mutambong una sila sa regular session ning adlawa sa Sangguniang Panglungsod, kung asa ubay-ubay ka mga topiko ang ilang pagahisgutan.
Gibutyag ni Vice Mayor Shirlyn Bañas-Nograles nga mao kini ang ilang nakasabutan, human nga wala nakapasa miaging semana nga isibog ang sesyon.
Apan pipila sa mga konsehal nga nakapalit na ug ticket ang buntag matud pang mubiyahe, samtang ang mga magpabilin ug mutambong una sa sesyon ang sa hapon na mubiyahe.