GENERAL SANTOS CITY – May kamanduan na si South Cotabato Provincial Director Franklin Alvero ngadto sa mga Chief of Police nga pakusgan ang pakiglambigit sa kasundaluhan kalabutan sa monitoring sa kalihukan sa rebelding grupo nga New Peoples Army.
Kini tungod sa mga krimen nga gikalambigitan sa nahisgutang grupo sama sa pagpangsunog ug sakyanan ug uban pa.
Gani bag-uhay lamang lima ka sakop sa NPA ang nasikop sa Sitio Dataligaw, Barangay Tasiman, Lake Sebu.
Matud sa opisyal nga mga sakop sa Platoon Samsung sa Front Committee 73 ang mga nahisgutan sa pagpanguna sa ilang lider nga si Kumander Billy.
Nakuha gikan sa mga nahisgutang rebeldi ang tulo ka mga pusil ug mga bala lakip ang duha ka mga granada.
Gani gitahasan na ni Director Alvero ang hepe sa Lake Sebu nga imbestigahan pag-ayo ang mga nadakpan nga rebelde human masikop kuyog ang mga sakop sa 27th Infantry Battalion Philippine Army.
