GENERAL SANTOS CITY – Pulos na daog ang mga boksingero sa Sanman Promotions sa natigayong engkwentro kagahapong adlawa.
Gi-knockoout ni Marlon Tapales si Eden Sonsona sa ikaduha nga rounds sa ilang engkwentro.
Una sa maong engkwentro nahimong challenger alang sa interim International Boxing Federation World Super Bantam Title si Tapales kang Ryosuke Iwasa apan wala nagmalampuson.
Ang engkwentro natigayon sa Barclays Center, Brooklyn, USA sa miaging tuig.
Samtang gi-knockout usab ni Dave Apolinario si Bonjun Luperez atol sa ikalima ka rounds sa ilang engkwentro.
Gumikan niini nagpabiling limpyo ang record ni Apolinario nga may 14 ka daog og siyam ka KO.
Si Aston Palicte ang daog usab batok kang Reymark Taday nga gi-knockout atol sa third round.
Ang kanhi IBF Pan pacific and Youth super flyweight champion ang may 27 na ka daog, upat ka pildi og usa ka draw.
Samtang knockout usab atol sa fourth round ang kaatbang ni Joey Canoy nga si Jovab Lucas.
Sa kasamtangan si Canoy adunay 16 ka daog, upat ka pildi ogusa ka draw.
Wala usab gipadugay ni Michael Casama ang engkwentro batok kang Vergil Deguma nga gipahagba sa luna atol sa round 2. Sa unom ka laban ni Casama pulos na-knockout ang iyang kaatbang
