Gipasidunggan ni Senador Bam Aquino ang mga batang Pinoy karatekas nga mipasundayag og maayo ug naghatag og dungog sa nasud gikan sa Tsina.
Kini human sa pagpahigayon sa 3rd Asian Karate Youth Open Championship and Training Camp sa Hangzhou, China niadtong Hulyo 2026.
Pinaagi sa Senate Resolution No. 580 nga gisumite ni Sen. Bam Aquino, giila ang talagsaong performance sa delegasyon sa Pilipinas.
Lakip sa mga gipasidunggan ang 9-anyos nga si Romeo Viktor Enriquez, nga nakadaog og bulawan nga medalya ug nahuman sa Top 5 sa Under-10 Male Kata category.
Nakuha usab sa 13-anyos nga si Raphael Mariano Herrera, kauban ni Enriquez, ang iyang ikaduhang sunod nga bronze medal sa Under-14 Male Kata.
Samtang, nahimutang sa Top 5 sa Under-12 Female Kata ug Top 7 sa Under-12 Female Kumite si Ripley Tate Borromeo.
Matod ni Sen. Bam, makatabang ang karate sa paghulma sa disiplina, pagkamalahutayon, pagkamapainubsanon, kalig-on ug pagsalig sa kaugalingon sa mga kabatan-onang Pinoy, samtang naghatag usab kini kanila og oportunidad nga molampos sa mga internasyonal nga kompetisyon.
