GENERAL SANTOS CITY – Gihingusgan ni Police Supt. Lauro Espida, tigpamaba sa GSCPO, nga dili angayang tawgon nga sukarap ang mga batang latagaw nga nahimong problema karon sa siyudad, inay angayang children in conflict with the law kon CICL lamang.
Matud pa nga wala silay katungod nga tawgon ug sukarap, gumikan pinaagi niini daw sa giila na ang ilang grupo nga kahibaluan nga maoy sagad nga nagpaluyo sa mga riot, kagubot ug daghang mga krimen nga nahitabo dinhi sa dakbayan.
Samtang, gibutyag sa nasampit nga opisyal usab nga adunay quota nga 10 ka CICL matag gabii nga ma-rescue ang kapulisan sa siyudad.
Sumala pa nga ilang gipahigayon gayud ang prevention pinaagi sa pagpahigayon ug police vi sibility ug pagpatrolya aron adunay ma-rescue nga mga CICL matag gabii.
Gikabutyag nga ang ma-rescue ang i-turnover sa barangay.
Dugang pa ni Supt. Espida nga tungod sa maong pagpangrescue, mikunhod ang physical injuries ug mga pagpangawat nga gilambigitan sa mga CICL.
Samtang, ugma, Marso 21, giktakadnag ipahigayon ang panagpulong tali sa kapulisan ug sa simbahan ug lakip mga ahensya aron matutukan ang may kalabutan sa problema sa CICL dinhi sa siyudad.
