ISRAEL-Giklaro sa gobyerno sa Israel nga dili na kini responsible sa kahimtang sa mga tawo nga maangol o mamatay panahon sa missile attack kung wala sila sa sulod sa bomb shelter.
Sumala ni Mirra Piswec, Bombo International Corespondent sa Israel, ang mga residential buildings sa Tehran ang kinahanglan nga adunay kaugalingong bomb shelter.
Kini nga mandato kabahin sa hugot nga seguridad nga ginapatuman sa Israel tungod sa padayon nga hulga sa mga pag-atake sukad pa kaniadto.
Dugang pa ni Piswec, daghang mga residente, ilabi na ang mga kabatan-unan ug mga katigulangan nga dili na kusog managan, hinungdan nga sa sulod na lamang sa bomb shelter matulog aron masiguro ang kaluwasan.
Nagpabilin ang tensyon sa tibuok Israel samtang padayon ang hulga sa seguridad nga nagahatag usab og kabalaka sa mga katawhan.
