GENERAL SANTOS CITY -Gipakalitan ug drug test ni Malungon Mayor Tessa D. Constantino ang mga Barangay Kapitanes (ABC) atul sa panagtigum miaging adlaw nga Miyekules (Marso 22) sa naasoy nga lungsod.
Una nga giimbitahan ni Constantino ang mga punong barangay alang panagtigum sa Food and Choices Restaurant kung asa kalit nga mitungha ang mga myembro sa Philippine Drug Enforcement Agency-12 ug Departamento sa maayong Panglawas (DOH) alang sa pagpahigayon ug konsultasyon.
Ang surpresa gihimo sa lokal nga pangamhanan, kauban sa Task Force D.U.T.E.R.T.E nga gipamunuan sa kanhi Mayor Reynaldo Constantino.
Giangkon sa Mayor nga paagi kini aron masusi kung adunay opisyales sa Barangay nga gagamitan ug druga basi usab sa kampanya sa kasamtangang administrasyon kontra sa gidili nga druga.
Kung adunay nagumon sa paggamitan sa gisili nga druga matabangan kini sa munisipyo pinaagi sa rehabilitation process.
Ang pagpahigayon sa drug test sa mga kapitan ang gihimo atul sa gipahigayong serye sa anti-illegal drug campaign sa nagkadaiyang tulunghaan nga inubanan sa mga anti-drug advocates.
Gilayon usab nga gipadala sa Davao ang nakuha nga samples aron susihon sa taga PDEA .
