Misaad si ACT Teachers Party-list nga mo-draft og mga balaudnon nga isumiter ngadto sa 20th Congress nga gitumong sa pagsulbad sa mga problema sa sektor sa edukasyon.
Matod ni ACT Teachers Party-list Representative France Castro, ilang ibase ang mga balaudnon nga ilang isulong sa mga problema nga motumaw atol sa pagbukas sa klase karong adlawa sa mga pampublikong tunghaan.
Ang mensahe ni Castro niabot sa ilang paglusad karong adlawa sa “Bisita-Eskwela” diin mopahigayon sila og konsultasyon sa mga piniling school administrators ug mga magtutudlo.
Lakip sa mga tunghaan nga giplanohan sa ACT Teachers Party-list nga bisitahon karong adlawa mao ang Batasan Hills National High School, Melencio Elementary School, Caloocan Central Elementary School, ug San Francisco High School, tanan sa Quezon City.
Matod ni Castro, ila usab nga imbestigahan ang dugay nang problema sa mga tunghaan sama sa paghuot sa mga tinun-an, kakuwang sa classrooms, shifting schedules sa klase, ug pagpatuman sa blended learning.
