GENERAL SANTOS CITY – Gihingusgan ni Arnel Antiporda ang boxing trainer sa DEpED 12 nga kinahanglan gayud suportahan ang mga atleta sa rehiyon nga musabak sa tinuig nga Palarong Pambansa.
Kini ang gilantaw ni Antiporda nga motibasyon sa mga athlete aron maayo ang performance sugod pa lamang sa training hangtud sa mismong dula.
Matud pa niini, pinaagi sa mga incentives mas ma-hagit pa sila sa pagpaningkamot og mahimong ganado tungod nabayluan ang ilang kahago ilabina sa mga contact sports ug individual events.
Angayang ‘year-round’ usab ang pagbansay sama sa gihimo sa National Capital Region sa ilang mga atleta. Gani, sayo pa, ga-scouting na ang NCR og mga maayong atleta sa ubang rehiyon kon asa tanyagan ug scholarship.
Nasuta nga hilabihan ang kalipay sa mga coaches ug trainors sa mga atleta sa Rehiyon Dose tungod nagbunga matud pa ang ilang paningkamot.
Kini human nga nahimong ikalima nga rank sa Palaro nga gipahigayon sa Antique samtang gidomina sa NCR ang kampeonato.
Nakatampo sa Socsargen ang gold medalist sa boxing nga silang Dave Mark Apolinario og Christiu Laurenti
