GENERAL SANTOS CITY – Karong adlawa na, Abril 5, magsugod na sa pagbiyahe ang mga atleta sa Region 12 paingon sa Vigan, alang sa umaabot nga Palarong Pambansa 2018 sa Abril 15.
Base kini sa nahimong pahayag ni Deped 12 PESS Jojo Duhilag, kung asa mag-eroplano matud pa padulong sa Manila ang mga delegado sa Rehiyon 12.
Muagi matud pa sila sa Davao City, apan may advance party na sa mga delegado sa Rehiyon 12 nga maoy nag-andam sa billeting area sa Vigan City.
Nasayran nga P8,000 ang gigahin sa mga pamasahe sa delegado. Pag-abot sa Manila, sugaton sila padulong sa Vigan nga giabaga sa provincial government sa Ilocos Sur ang gastos.
Kahibaluan nga malaumon ang kapin 600 ka mga delegado sa Region 12 nga malampasan ang nakuha nga gold medal sa miaging Palarong Pambansa sa Antique.
Kahibaluan nga ang arnis, swimming, teakwondo ang maoy dako ang posibilidad nga makahatag ug gold medal alang sa Region 12.
