GENERAL SANTOS CITY – Kasamtangang nagpahigayon ug pagbansay ang mga kabatan-onan nga delegado o atleta sa Gensan Division human nahimong kampeon sa SRAA 2023.
Kahibaluan nga karon nibalik ang maong kalihokan human sa pandemya, kon asa ang mga batan-on naghinam-hinam sa pagpanumbalik sa ilang hilig sa sports og aktibong mulangkob sa sraa 2023 . Kinahanglan nga preparado sa umaabot nga dula ang mga atleta, mga coach, mga technical working group, tanang mga delegado, aron madepensahan ang titulo.
Kahinumdoman nga anaa sa kapin 100 delegates o players gikan sa General Santos City ang mupartisipa sa maong aktibidad.
Matod ni Gensan DEPED Sports Coordinator, Ronald Radin, nga dinhi ra sa Gensan pagahimuon ang training sa mga kabatan-onan, tungod kay naa usab sa polisiya sa organisasyon nga ang divicion nga nahimong kampeon mao usab ang training ground aron ang mga batan-on dili na kinahanglan nga muadto pa sa ubang lugar alang sa ilahang trainings.
